عش لحظات السكون لكن لا تحبس روحك… أطلقها💌
بقلم: نورا كدرس
في داخلك أمنيات كثيرة، وأهداف تنتظر النور.
مو كل شي لازم يظل ساكت في قلبك…
بعض الأهداف تحتاج تطلع، تتحرّك، تمشي على الأرض حتى لو بخطوات هادئة.
لا تخاف تبدأ، لا تخاف تتأخر، لا تخاف تغلط.
الخوف الحقيقي إنك تخلّي نفسك محبوسة في مكانها، ساكنة بدون حياة.
الحياة ما تبغى منك العجلة، تبغى منك الصدق.
لا تركض علشان تسبق غيرك… امشِ علشان توصل لنفسك.
اللي مكتوب لك بيجي، بس لا تقطعه بكثرة الأسئلة، ولا تضيّعه بكثرة العجلة.
في لحظات كثيرة، بتحس إنك مو قادر تشرح اللي جواك.
وهنا… يكون الصمت أصدق من كل الكلام.
في سكونك، تنبت أشياء ما تقدر تنولد في الضوضاء.
في هدوءك، تطلع أجمل أفكارك، وأقوى قراراتك، وأنظف نواياك.
الإيجابية الحقيقية؟ مو إنك تضحك طول الوقت.
الإيجابية إنك تكون بخير حتى وانت ساكت…
إنك تآمن إن كل اللي يصير، حتى لو ما فهمته الآن، قاعد يرتّب لك شي أنسب من توقعاتك.
اهدأ… لا تستعجل.
أطلق أهدافك، لا تحبسها في المجهول.
افتح لها طريق، وخلّ خطواتك تقول: “أنا ماشي، حتى لو ببطء، بس ما وقفت.”
في داخلك نور… لا تطفّيه بضجيج الناس، ولا تقارنه بنجاح غيرك.
💌 كل شي في وقته، وكل شي من قلبك، له معنى، وله أثر